الحب حالة جنون

في غيبتك عن عيوني ضايق(ن) بالي عايش مع الناس لكـن كنـي لحالـي

أدلـه النفـس بغيـابـك واسليـهـا وان قلت سالي لا والله ماني بسالـي

اضحك وأنا مالي من الضحك غيراني أكافـح بضحكتـي نظـرات عذالـي

لـو يملكـون الدليـل لمـا يظنونـه ممـا يسـوون عزالـك وعـزالـي

تظهر بوجهي معالم ضيقـة الخاطـر وان قالوا الحال قلت يسركـم حالـي

أيه أتجمل وأكابـر وأجحـد همومـي واطمس دليـل انهيـاري بالتبهلالـي

وش حيلتي وألسن العذال مـا ترحـم وأنت الله يسامحك مدري وش التالي

ابطيت وأنا أتحـراك ونفـد صبـري وان كان ما جيت يا غبني وغربالـي

وينك تعال وتدارك مـا بقـى منـي ترى زمان الشقا معطينـي الصالـي

طولتها والوله ملعـون أبـو خامـس يحجب على عقلي ويستنفـر هبالـي

من كثر ما فيك أفكر صـدّق أحيانـا اصدق أشيـاء وأنـا ادري يورالـي

على سبيل المثال أحيـان أفكـر بـك و فجاءه كذا ولا أشوفك جالس إقبالي

ويوم انتبه والعن الشيطان ولا أنـي اضحك و اسولف وأنا ما حولي الوالي

وأحيان يطري لي انك رحت ما ترجع وتشوف دمعي على الخديـن همالـي

وليا تذكرت قلـت لنفسـي بنفسـي أعـوذ بالله فــال الله ولا فـالـي

طاريك حاضر معي في كـل حالاتـي وطيفك ملازمنـي بحلـي وترحالـي

الحب حالـة جنـون العقـل يألفهـا ويصبح شقاها طراه ومرهـا حالـي

تأنس بأقل التواصل وحشـة الفرقـا وما يذبح المغلـي إلا تغّلـي الغالـي

وسلااااااااااااامتكم

الله يسلمك

ولاتحرمناااا من جديدكـ

مشكووووووووره على المرور ويعطيك العافيه

ممكن أسئل هذي لمين
ومشكور على القصيدة الممتازة

يعطيييييييك العافيه وصح لساااانك اخوووي

والله الشعر قممممممه في الروووووووعه

الله يسلمك

كلماااااااااات منتقاااااااه بحرفنه

مشكوووووووور كتكات على المرور