ياوجودي

ياوجودي كل مالشمس مالـت للغـروب وانتحت في باقي النور والليـل اقتـرب

وجد من حده زمانه على صعاب الدروب ترخي الايام مكـرب حزامـه لا اكتـرب

المصايب فوق راسه تجي من كل صـوب في ضرب يبلش ويطلع ويبلش في ضرب

لاعوين (ن) يستعينـه ولانايـب ينـوب لامـلاذ يلتجـي لـه ولا عنهـا مهـرب

عقب ماهو عند ربعه مقـدر ومحسـوب قصرت به سود الايام زيـزوم السـرب

صار مثل مشهر الزيـر والايـام عـوب كان حمله سالم وصـار محمـل للقـرب

يارجاجيـل العقيـده ياحييـن القـلـوب القلوب ليا خلت مـن هـدى الله تخـرب

حال الامـه مـن تمـلاه خفاقـه يـذوب ما نلوم اللي بيدينه على راسـه ضـرب

دارت الدنيا بنـا ليـن هبتنـا الهبـوب وان تمادينا علمنـا مـع القـاع انتـرب

والسبب انا استهنا بصغيـرات الذنـوب ليـن ماطانـا عليـهـا تـعـود وادرب

ثـم وصلنـا للكبايـر وعيينـا نـتـوب حالنا سبـة تمـادي خطايانـا اضطـرب

انشغلنا واشتغلنا علـى ملـي الجيـوب والتهينـا بالملاهـي مزاميـر وطــرب

هذا وجه الوجه الاخر ياعـلام الغيـوب الغلو ياصاحـي الفكـر عيـب مـاذرب

يامولع في بلادك مـن زنـادك شبـوب ما الحقـت الامـه الا غرابيـل وكـرب

انتشر فكرك مع اللي تجاربهـم يـادوب من تبعك بداره وبيـن اهاليـه اغتـرب

الصحاح اليا احتكت مع الجرب الجنـوب ينتشر بجنوب كل الصحيحـات الجـرب

المحن والفتنـه المستطيـره والحـروب ماسلم منها مسالم ويبلـش مـن حـرب

بدينا قامـوا عدانـا يحطـون العيـوب قالوا انـه اكـل الدهـر عليـه وشـرب

كيف صرنا شعب مشبوه من بين الشعوب نتهـم مجـرد انـا مسلميـن وعــرب

يالله انا منـك واليـك نلجـا بالكـروب قلت يالله اصلح احوالنـا قولـوا يـارب

وسلامتكم وانشالله اعجبتكم

صح لساانكـ
ولاتحرمناا من جديدكـ

صح بدنك بابنت ومشكووووره على المرور