][للطيب درب وللرخامه متاهات*وياللي بغيت الطيب طبق مقالي][

بسم الله الرحمن الرحيم

السلام عليكم

قصيده جــزله من الصــــــآرم : نايف بن عرويــل

اترككم تعانقون الجمــآل .

يالله ياللـي فـوق سبـع السـمـوات

تفرج لحال اللي عصته الليالـي

سايرتهـا بسكـات بسكـات بسكـات

واقول بكره يصلـح الله حالـي

ماودي اشكي عنـد عـاذل وشمـات

ولابي علي الناس تلقى مجالـي

اقضي طـوال الليـل نـوح وونـات

.والناس ماتدري عن اللي جرالي

صبـرت واستبدلـت قولـي تنهّـات

وتسابقن دمعـات عينـي توالـي

للطيـب درب وللرخامـه متـاهـات

وياللي بغيت الطيب اسمع مقالي

صـل الصـلاة واد كـل العـبـادات

واسجد لوجه الله عزيز الجلالي

وللوالديـن حقـوق ذكـرت بالآيـات

ياجب عليك اصغااء ثم إمتثالـي

ثـم عقبهـا لاتلحـق النـاس نمـات

اوزن كلامك يرفعك فوق عالـي

ترى لسان الشخص للشخـص مرئـاة

إن اعتدل عدلت وإن ملت مالـي

واحرص على وقتك ترى الوقت لافات

تندم على فوتـه ليـال طوالـي

لاصـار ماشيـد شبـابـك بنـايـات

لاصرت شايب مابنيت العوالـي

شيّد لك من الطيب قصـر وعمـارات

تذكر بها لاصرت تحت الرمالي

اسمع كلام الناس وانضـر للامـوات

واختر لنفسـك ماتريـده يقالـي

واحذر ترى للنفس رغبـه وشهـوات

إن طعتها راحت عليك المعانـي

طـرد الهـوى ذلـه ولافيـه شكـات

ياما تنـزل مـن سبايبـه عالـي

ولاتلحقك من قلـه الحـال ضيقـات

خلك على ماقال صدرك شمالـي

اضربهـا واحـذر تطيـح بمغـبـات

ولا تنفتن نفسك بطـرد الريالـي

واعرف ترى غال الكنـوز القناعـات

من فاز فيها فاز والفـوز غالـي

ولا تخـوف مـن نهـايـة بـدايـات

خلك على كل الامور ارتجالـي

الخوف يرمـي صاحبـه فالهزيـلات

ويثنيه عن كسب الامور الجزالي

الموت مره لكـن إن خفـت مـرات

والله ماتمشـي حياتـك عدالـي

خالط جميع الناس و كـون علاقـات

لاتجلس لحالك تصيـر إنعزالـي

لكن بنفـس الوقـت ياصـاح هيهـات

تمشي بهواك الناس في كل حالي

فالناس طيب واكثـر النـاس عيـات

رافق هل الطولات خل الثعالـي

والجـار كثّـر جيتـه والـزيـارات

سير ترى الدنيا سريعه زوالـي

مافـات فـات ومـاهـو اتــي آت

اسمع كلامي وافهمـه للتوالـي

رتـب حياتـك حـط لـك اولويـات

وخطوط حمراء واضحات جلالي

الدين لاترضى على الديـن خمـلات

هاك الكلام اللي يهـز الجبالـي

والله ماترضـى علـيـك الـولايـات

الين تتبـع درب ذيـك الملالـي

جاهد عـدو الله فـي كـل الاوقـات

بالحال وإلا المـال وإلا العيالـي

ثـم الوطـن احيـان تأتيـه حـزات

تبي رجـال يحملـون الحمالـي

وقـف بعـزة نفـس قلـه سلامـات

يالمعتدي فالعقل جـاك إختلالـي

هاذي لأهل الطيـب مثـل العلامـات
نظمت فيها كـل كـار طرالـي

وللطيـب درب وللرخامـه متاهـات
وياللي بغيت الطيب طبق مقالـي

كلمااااات حلوووووووووووووهـ

يسلمووووووووو ياعسل على الموضوع الحلوو

انت اجمل بمروورك العسل

مروورك يكفي صفحات المنتدى من ردود