تحليل رياضي!!!##$$%%

موضوع: تحليل رياضي!!!##$$%% 2007-08-31, 22:52

هذه قصة كوميدية فقط ليس اكتر ولا اقل

انا جبت هذا

التحليل الرياضى لمبارة

السهلى + الكوارك

المعلق (قبل بداية البث): على الله بقى الماتش دة يعدى على خير ومش طلباها غباء...
احم
سيداتى انساتى سادتى اهلا وسهلا ومرحبا بكم معكم مدحت حلبى يحييكم ويرحب بكم من استاد الطاهرة الدولى للمؤتمرات ..
احم
قصدى لكرة القدم ... فى بث مباشر لاذاعة مبارة القمة بين فريقى السهلى والكوارك فى اطار مباريات الدورى العصرى لكرة القدم ......ومع 90 دقيقة اشغال كروية شاقة نتابعها فى هذه الامسية .....
لو انت قاعد فى مدرجات الدرجة الاولى يبقى فريق السهلى على يمينك والكوارك على شمالك ولو انت قاعد فى مدرجات الدرجة التانية برده هيبقى السهلى على يمينك والكوارك على شمالك...ولو انت قاعد فى مدرجات الدرجة التالتة يبقى انتاكيد مش فى الملعب اساسا لان مدرجات الدرجة التالتة اتشالت من زمااااااااان ....نياهاها هاها ..
احم
ولو انت مش قاعد فى الملعب يبقى اكيد مش هتشوف الماتش لان المبارة على قنواتنا المشفرة دائما وللابد قنوات ال (جى ار بى) راديو وتليفزيون الجرب وطبعا محدش بيقدر يشترك فيها ني ني هاهاها...
احم
وعموما ممكن لو انت مشترك فى خدمة قنوات الحظيرة الرياضية تتفرج ع الماتش .....
ولو انت بتسمع الراديو يبقى مش هتستفيد اى حاجة لانك مش هتشوف اى حاجة.........
شايفين الفرقتين واقفين فى ارض الملعب مستننين الحكم يقرر مين هيسنتر بس يظهر انه مش لاقى عملة معدنية يعمل بيها القرعة ...اه اخيرا الكابتن جودة مدرب الكوارك بيرميله شلن فى الهوا يلقطه على طول حكمنا الدولى الكابتن ظالم ويحطه فى جيبه ...غريبة ...يظهر انه خلاص قرر ان فريق الكوارك هو اللى هيسنتر ...يظهر ان الحكاية بلطجة عموما يبدا الماتش وزى ما قلنا الفريق السهلى على يمينك بالفانلة الحمرا والشورت الابيض والكوارك على شمالك
بالطقم الابيض ..ولا كأنهم لابسين ملابس داخلية..نيا ها ها ها
احم...
تتلعب الكورة ورا عند اللاعب وائل الحبهانى اللى عنده 27 سنة 184 سم ومواليد برج العظماء اللعيب دة يا جماعة له حكاية كبيرة اوى والحكاية دى هى انه لما .......اه هبقى
احكيها ليكوا فى اقرب توقف فى الماتش ان شاء الله ......ونرجع للماتش تانى يخش عليه عماد مجهد 23 سنة 177 سم مواليد برج العظماء ولعيب رهيب يا جماعة وله قصه ظريفه فى مارينا حبقى احكيها عند اول توقف ...اه نرجع للماتش تانى ياخدها منه محمود ممدود وياخده غرزة بلغه اهل الكوره يظهر ان عماد مجهد متأثر بمشكلته الاخيرة مع الشرطه الظالمه اللى مش فى خدمه السهلى ... ما علينا نرجع للماتش يانهار اسود الكوارك داخله على الجون مصطفى زعتر داخل كمان يحاول وائل جنحه ان يشده والحمد لله مسكه من رقبته ووقعه على الراض ... ايه ده الحكم الظالم حسبها ضربه جزاء ... دى الدنيا كلها بقى جايه تلعب ضد السهلى وحيشوط الكوره اللاعب حاتم تمام ويشوط شوطة جامدة .....وهبه جوةالجون
مش ممكن جوة الجون فى الدقيقه الاولى من الماتش... جون مالوش لازمه خالص مش ممكن يا جماعة ميقدرش بطيخه يعمل فيهااى حاجة وبطيخه دة يا جماعة 25 سنة 184 سم مواليد برج العظماء
جماهيرنادى السهلى المحيطة بالمعلق : يرضيك كدة يا كابتن مدحت اللى بيحصل دة مش ممكن اللى بيحصل
اللعيب ابن ال..... اللى ضيعنا دة فى اول دقيقة ....لعيب ابن .......(حذف من الرقابة).......
المعلق : لا فعلا مينفعش الكلام دة فعلا لعيب ابن ......
احم اسف
وطبعا بننادى وزارة الشباب والرياضة عشان تعمل مقصورة للمعلق لوحده فى الملعب ابن ال...
احم
لان مينفعش اللى الجماهير بتقوله دة يطلع فى قنواتنا راديو وتليفزيون الجرب (جماهير بنت .....)
عموما نرجع للماتش تانى ......
هجمة مرتدة للنادى السهلى يقودها ابو فريخة اللى هو 27 سنة 180 سم مواليد برج العظماء لعيب اسطورة يا جماعة اه نرجع للماتش ..........طبعا شايفين الجنس اللطيف قاعد فى المدرجات بيشجع ودى حاجة جميلة جدا جدا جدا جدا (اه والله حاجة جامدة اوى)
عموما نرجع لاحداث المباراة والكورة دلوقتى مع النادى السهلى ........ابو فريخة ياخد الكورة
ابو فريخة ابو فريخة ابو فريخة ابو فريخة ابو فريخة ابو فريخة ابو فريخة ابو فريخة ابو فريخة ابو فريخةوفاصل من البهارات الفنية و ووجبة كروية جميلة ودسمة يقدمها لنا الشيف ابو فريخة..احم ..اقصد اللاعب الفنان ابو فريخة......لعيب رائع الكورة مبتنقطعش من رجله ....طبعا لان محدش بيخش عليه اساسا ... فعلا الفرقة بتلعب بخطة جامدة جدا كله واقف فى مكانه ....باصة سريعة من ابوفريخة نحية محمد حركات مننساش نقول انه 26 سنة 168 سم مواليد برج العظماء لعيب مهارى جدا يا جماعة ......اه نرجع للماتش تانى وماشى حركات على جهة الشمين وبيعدى كالعادة لان محدش بيخش عليه ...يا سلام يا بنى...حركات حركات حركات حركات حركات يا سلام يا حركات يا ابنى بابانويل الكورة العصرية....تملى كدة يا جماعة تلاقوه فى كل حته ........يا سلااااااااااااام وعرضية ارضية برازيليه صاروخية مفترية معدية ....و مين يقابل مين يقابل مين يقابل مين يقاااااااااابل مش ممكن ...يقابلها ديلبرتو اللى هو 26 سنة 182 سم وبردة مواليد برج العظماء اه نرجع تانى للماتش يقابلها ديلبرتو من الناحية التانية بعرضية ارضية برازيليه صاروخية مفترية معدية ........و مين يقابل مين يقابل مين يقابل مين قاااااااااابل بردة محدش يقابل ...تطلع اوت
يلعب الاوت بسرعة طارق السىء لوائل الحبهانى يبصيها على طول لابراهيم شديد ..مقطوعة فى السكة وهبببببببببببببببببااااااااااااااااااااااااااااااا ااااااه
قطعها اسامة بسنى بأيده والحمد لله عدت على الحكم الظالم ويمكن دى عداله السماء وشاطها فى المقص الشمين العلوى اللى فى النص .يا سلاااااااااااااااام
جوه الجووووووووووووووووووووووووووووووووووووووووووووووو ووووووووووووووووووون
يا سلاااااااااااااااااااااااااااااااااااااااااااااااا ااام هيا دى هيه فرحة الدنيا نط يا قلبى ارقصى يا عنيا
يا جماعة مش معقوووووووووووووووووووووووووووووووووووول
جماهيرالنادى السهلى : سهلى سهلى سهلى سهلى ......هييييييييييييييييييييييييييييييييييييييييييي يييه
جماهير الكوارك : يووووووووووووووووووووووووووووووووووووووووووووه ه ه ه ه ه
يرضيك كدة يا كابتن مدحت اللعيب ابن ال...... دة تانى مرة يعملها فى الماتش وياخد الكرة بأيده
المعلق : (هو ايه حكاية الجماهير بنت ال...
دى جماهير وســـ... بالش جماهير مش نظيفه علشان احنا بنعلق بكل حياد و طبعا ميرضينيش دة لعيب يستاهل يتعمل له تمثال او يدوله تاج الجزيرة ... ايه ده ضرب بالجزمة (اوف والله انا اللى استاهل ضرب الجزمة انى رضيتاعلق على ماتش زى دة)
نرجع تانى للعب ..... المباراة على صفيح ساخن يا جماعة ..كورة هنا وكورة هناك وحاجة جميلة جدا يبدا نادى الكوارك هجمة منظمة عن طريق جمال همزة اللى هو طبعا زى ما احنا عارفين 27 سنة 178 سم ومواليد برج العظماء وطبعا نرجع للماتش تانى...............
يباصيها للعندليب الاخضر اللى هو طبعا 38 سنة 180 سم بس للاسف مش مواليد برج العظماء ونرجع بقة للماتش تانى وهيشوط وهبببببببببااااااااااااااااااااه فى السما عليااااااااااااا الحمد لله كرة خلعت قلبى من مكانه ....
احم
يظهر انه بيصطاد عصافير يا جماعة بس الحكم الكابتن ظالم يحسب كورنر على اساس قرار الحكم المساعد اللى هو فى الاصل ابن خالته يا ريت طبعا مخرجنا العظيم محمد نصر التين يعيد لنا الكورة دى عشان نتأكد من صحة قرار الحكم
يظهر انه مش هيعيد لنا اى حاجة ...... علشان باين اللعبه فعلا" كورنر .عموما اكيد الحكم واخد باله وقراره هو الصح عموما يلعب الكورنر طارق السىء حلوووووووووووووووووة تعدى من الكل وتوصل لمعتز فينو يحطها فى رغيف
..احم..
يحطها بالعرض بس يطلع الحارس الامين بطيخه يمسكها ...لا والله دة بيضربها بالبوكس
توصل عند وائل جنحه يشتتها على طول ......توصل الكورة عند الحبهانى يباصيها وحشة عند مصطفى زعتر مقطوعة ف السكة ياخدها شاكى محمد يباصيها لحسام ساطور مقطوعة ف السكة والكورة عمالة تروح وتيجى وزى ما احنا شايفين فاصل من العك الكروى .......
وتستمر المباراة المملة فى جميع ثوانيها ودقائقها-
وشايف الحكم بيبص فى ساعته يا جماعة مش عارف ليه ....اه دة يظهر ان الشوط الاول خلص ويصفر بنهايته وياخد الكورة ويطلع يجرى بسرعة على حجرة تغيير الملابس والجماهير عماله تشتم وتسب وتلعن فى وائل جنحه اللى هو 27 سنة...اه ده احنا قولنا كل حاجة عنه صحيح
عموما نترككم فى رعاية الله حتى بداية الشوط الثانى ( الله يحرقكم ويا رب ما ترجعوا ويا رب الماتش يتلغى
وامشى من ام الملعب دة اوف حاجه وســـ قصدى مش نظيفه
وننتقل الى استاد الفيل للرياضه مع الكابتن صاروخ جعفر ..........
الكابتن صاروخ : طبعا شوفنا مِستوِى عالى اوى ف الشوط الاول ونتمنى نشوف نفس المِستوِى ف الشوط الثانى لان اهم حاجة هى المِستوِى (فعلا) و.. مقدم برنامج استاد الفيل : احم ونشكر الكابتن صاروخ وفاصل اعلانى قصير ثم نعود للمباراة
نحب نذكر الساده المشاهدين بسؤال حلقه اليوم كم ضربه جزاء احتسبت للسهلى هذا الموسم 60 ضربه – 80 ضربه – 75 ضربه
وضربه فى قلب اللى ميجاوبش
-فواصل اعلانية اغلبها عن البث الحصرى لقنوات ال جى ار بى لمدة تلت ساعة ويضيع اول 5 قائق من الشوط الثانى-

الشوط الثانى:

المعلق :
سيداتى انساتى سادتى عودة مرة اخرى الى احداث المباراة ...مباراة الدربى....ونحن على موعد
مع المتعة والاثارة والجمال والفن والروعة وامسية كروية ميه فى الميه
حد يسألنى ويقوللى الفريقين بدأوا بدرى ليه 5 دقايق ...؟
احد جماهير الكوارك: يا عم محدش هيسألك ؟
المعلق: احم ...اقوم ارد واقوله لا انت اللى جيت متأخر 5 دقايق .....هههههههه
نفس الشخص من جماهير الكوارك انا جى من خمس ساعات يا معلق الخرفان يلعن ابوك ابن ال........
المعلق: احم.... رجاء الى وزارة الشباب والرياضة عشان تعمل مقصورة للمعلق لوحده فى الملعب ونرجع بقة للماتش تانى ...ايه ده يظهر ان النتيجة بقت 2 /1 بقدرة قادر الظاهر فى غلط فى اللوحه الالكترونيه
احد الجماهير : يا عم انت نايم على ودانك ولا ايه ؟؟ العندليب الاخضر جاب الجون التانى بعد عرضيه من مصطفى زعتر
المعلق : احم ....عموما نرجع للماتش تانى وخلاص (ربنا يعدى الليلة على الخير)
والكورة خطرة فى نص الملعب ...خطرة خطرة خطرة ف نص الملعب ( ازاى خطرة فى نص الملعب؟ )
ياخد الكورة معتز فينو ...يباصيها بالعرض لحاتم امام ..يا سلام يا حاتم يا ابنى ايه الحلاوة دى
الكورة ف رجله زى المهلبية ... يا سلام يا بنى وانت 28 سنة 176 سم مواليد برج العظماء
ايه دة ايه الجمال دة ... يعملها بينية حلووووووووووووة عند العندليب الاصفر قصدى الاخضر
هو والجون هو والجون هو و الجون يا سلام ياعالم على الجمال وهبااااااااااااااااااااااااااااااااااااااااااااه تطلع رصاصه فى المرمى يا جماعة بغرابة شديدةكده فى الجون هى لعيبتنا فين وائل جنحه خلاص اللعيب دة جاب اخره معايا)
احم احم ......
نعتذر عن هذا التخلف العق..ايه.....العطل الفنى ونعود للمباراة مرة تانية
احنا دلوقتى بنلعب فى الدقيقة 70 يا جماعة ونستنتج من كدة ان باقى 20 دقيقة على نهاية المباراة
وطبعا ما زالت النتيجة تقدم الكوارك بثلاثه اهداف لهدف للسهلى ......
هجمة كواركية سريعة كدة من نحية سامر عبد الحميد و هبااااااااااااااااااااااااااه
يا خّبر ابيااااااااااااااااااااض جوة الجووووووووووون يحطها بايخه ة اوى سامر عبد الحميد
مش ممكن يا جماعة ...سابوه فجاب جون ...سابوه جاب جون ...بالظبط زى ما بقوللكم كدة يا جماعة
اه ده احنا نسينا نقول انه 29 سنة 177 سم ومواليد برج العظماء كالمعتاد.............
احمبقى الموضوع تحت]

موضوع: رد: تحليل رياضي!!!##$$%% 2007-12-22, 08:15

خخخخخخخخخخخخخخخخخخخخ

مشكووراهم